[i5i3] DE LA VILLE DE PARIS. 199

puisse charrier et tourner les pieces d'artillerie et y. aller à pié et à cheval la lance au poing, se mestier est, pour la deffence d'iceulx murs, et au moyen de lad. haulteur sera la ville moins bataille.

Sera aussi convenable foire par voye dedans iceulx murs des cannonieres qui seront voultées par dessoubz lesd, .rempares pour batre dedans les fossez, et en faisant les euvres se deviseront en quel lieu ct de quelle sorte; et au regard de subtiliser sur les fraiz, spécialement de la vuydange desd, fossez, l'on pourra par aucuns jours mettre quelque nombre de maneuvres en besongné pour veoir qu'ilz auront fait ct que coustera leur sepmaine, et sur ce s'enquérir si l'on trouvera gens qui en vueillent faire meilleur marché en tasché, en faisant toutes voyes diligence selon qu'il estrequiz, car autrement les vuydanges seroient perpétuelles.

, Et neantmoins les advys et oppinions dessusd., a esté conclud qu'il sera bon et expédient aller sur les lieux et y appeller ancorcs avec les presens d'autres gens pour tousjours mieulx entendre ce qui est à faire, et ou sera le meilleur de commancer ou aud. boullevart ou à lad. tour du Bois. Et a esté le jour assigné à demain deux heures de relevée en l'Ostel de la Ville pour d'illec aller sur lesd, lieux.

Et led. lendemain xxiiii⁰ dud. mois se sont retrouvez en l'Ostel de lad. Ville à lad. heure assignée mesd. s^rs Prevost des Marchans et Eschevins, et ceulx qui s'y estoient, trouvez la journee precedente; et semblablement aucuns autres dé nouvel appellez. Tous lesquelz sont allez ensemble aud. boullevart près lad. tour de Billy pour veoir comment convenablement l'on pourroit faire entrer pres d'illec ung petit bras de la riviere,de Seine dedans les fossez. Et a esté trouvé assez facille en faisant quelque tranchée de vingt toises ou environ de long sur six toises de large ou environ au dessus de l'engorgement desd, fossez. Et de là sont venuz tout au pourtour delad, ville jusques à lad. tour du Bois, ct ont trouvé, après ce qu'ilz ont consideré les lieux et du hault et du val, qu'il est expédient, utille et neccessere de commancer à faire les vuydanges desd, fossez à lad. tour du Bois, en tirant contremont tout à l'entour de la ville jusques aud. boullevart, et de faire de porte en porte ung bastardeau pour retenir les eaues des sources

d'iceulx fossez d'au dessouz la porte S'Honore qu'elles n'empeschent la vuydange qui se fera dessoubz d'icelle porte. Et au regard d'une aille de groz mur de huit piez ou environ d'espoisse qui est dedans les fossez joignant le fort et basse court de lad. tour du Bois, sera convenable, au moyen de l'eslargissemcnt qui sc fera du fossé, de le démolir et oster de là, car par avant il servoit pour retenir l'eaue esd. fossez pour ce que la riviere n'y entroit que des haultes eaues, et d'ores en avant y aura tousjours pour le moins trois piez d'eaue vive; et sera bonne la démolition pour commancer à faire ung mur de telle espoisse au pié du tallu du fossé à l'opposite dud. fort ad ce que l'impétuosité des eaues ne desrompent led. tallu et atterrissent led. fossé. Et quant aux autres pointz, se sont arrestez à l'oppinion du jour precedent.

Item, et le vendredi d'après Pasques, jour de la Reduction de Paris, au retour de la messe célébrée en la maniere par chascun an acoustumée en l'Eglise de Paris⁽¹', disnèrent mesd. s" Prevost des Marchans et Eschevins en l'Ostel de la Ville, et en leur compaignie mons^r le president Olivier, mons^r de Lyssy procureur du Roy aux generaulx de la Justice des Aydes, sire Mary Bureau, maistre Charles de Montmirel, tous Conseillers de la Ville; Jehan Croquet, Jaques Le Hodoyer, Quarteniers, et aucuns autres bourgois de lad. ville. Et après disner, mond. s^r le Prevost leur remist ancores en terme les matieres, presens les maistres des euvres dc la Ville, et recita les advys et oppinions des jours precedens. Et en effect et substance les assistans lurent tous des advys et oppinions dessusd. : c'est assavoir d'eslargir et approfondir lesd, fossez; en iceulx faire entrer et passer led. bras d'eaue dc Ja riviere jusques à trois piez de hault poin' le moins cn tout temps; faire les rem-paics, cannonieres etsousliennemcnt cles lalluz dessusd.; et de commancer les euvres et vuydanges es fossez de lad. tour du Bois; et aussi d'y mettre les ouvriers eL maneuvres aux journées de la Ville lundi prochain, qui sera quart d'Avril, lendemain dc Quasimodo ⁽'²', car le tarder ne prolfitepoint. Et en fin de la sepmaine l'on verra leur besongné pour cognoistre lequel sera le proffit dc la Ville: ou dc les y cnfrelc-nir, ou de trouver gens qui preignent en tasché à faire lesd, euvres et vuydanges <³'.

O La "réduction de Parisn par Dunois sur les Anglais, arriva le i3 avril i436, "le vendredi d'après Pâques." La cmesso de réduction" fut dès lors célébrée au jour mème de cette férié suivant Ie comput ecclésiastique, c'est-à-dire à la cinquième férié ou vendredi do Pâques. Calait donc une fête mobile, dont la date variait chaque année; pour l'année i5i3 Ia date de cet anniversaire tomba le i" avril, Pâques arrivant le 27 mars précédent.

(2) Au Registre : second, par inadvertance du scribe; voy. la note précédente.

(3) En regard de ces dernières lignes, le Registre porte par deux fois le mot hic en guise dénota. — Le bas de la page est resté en blanc